მოძრაობა „ხალხისთვის” დამფუძნებელმა ანა დოლიძემ თბილისის ზღვის მიმდებარე ტერიტორიაზე მოძრაობის წევრებთან ერთად აქცია გამართა.
როგორც დოლიძემ აღნიშნა, თბილისის ზღვის ტერიტორიაზე უსაფრთხოების ზომები დაცული არ არის და ბავშვებისათვის საფრთხის შემცველია.
მისივე თქმით, აღნიშნულთან დაკავშირებით შესაბამის უწყებებს რეაგირება არ აქვთ.
„ბოლო სამი წლის განმავლობაში, აქ ცურვისას ექვსზე მეტი ბავშვია დაღუპული. მიუხედავად ჩვენი კამპანიისა, აქ არაფერი არ არის შეცვლილი. ბავშვები, რომლებიც აქ მოვლენ საბანაოდ, ისევ დადგებიან სიკვდილის საფრთხის წინაშე. სანამ არ იქნება უმაღლეს დონეზე დაყენებული ბავშვების ფიზიკური უსაფრთხოებაც კი, ბავშვთა დაცვის დღე იქნება ბუტაფორია. მოვუწოდებ მერიას და თბილისის წყლის კომპანიას, აიღოს პასუხისმგებლობა თავის თავზე და აღკვეთოს ის სიკვდილის ზონა, რომელიც არსებობს თბილისის ზღვაზე“, – განაცხადა დოლიძემ.
დოლიძის თქმით, საჭიროა ტერიტორიაზე გამაფრთხილებელი ნიშნულების მოწყობა.
